张致恒生日雯雯放负 扬言唔再乞食：要死一齐死

旅游 707℃ 0
艺人张致恒（Steven）同老婆欧燕雯（雯雯），育有4名儿子及2只狗，可惜经济拮据嘅佢哋，不时因钱银问题嘈晒交，老婆雯雯更不时喺社交网呻苦，被网友封为「离婚界KOL」。而日前（10日）适逢Steven40岁生日，但一家人丝毫未有庆祝气氛之余，老婆雯雯更黑底白字又放负：「要死一齐死。」认真吓坏唔少网友。贫贱夫妻百事哀。早前，Steven终于扚起心肝去地盘返工，但近日又因开工不足向外界求助，事后雯雯更喺社交网呻道：「一家嘅饭钱都畀你呃埋！」直言有寻死念头，事后11日再于社交网接连放负道：「今日11月11开始，我唔会再求人，唔会再问人借，我亦无可能一个借完另一个畀我还不断重複。」、「无屋住要赶就赶，无书读要赶就赶，无饭开就大家坐喺度，无奶粉就喊，我不会再乞不会再求不会再哭，不会分开小朋友，不会放弃任何一个，不会放弃剩返2只陪咗我9年嘅狗，要死就一齐死，要饿就一齐饿。」并直言对呢种生活感到疲倦：「讲咁耐点解死唔去？因为有好心人啰，但我不会再乞，不会再求。根本就没完没了，我真係好攰，够。」至于今年爱犬离世一事，雯雯更直言一切早已「睇通睇透」：「「死唔可怕，最紧要大家齐正。」老公生日都要继续放负。今次仲放弃一切。唔少网友都担心雯雯做傻事。其他人也在看

上一篇

赵露思新剧Poster疑抄死对头 同杨紫剧照一模一样？

下一篇

狗狗风雨不改留守清拆村屋旁 村民每日餵食及照顾

相关推荐